1 (A, B, C)
Baditut zuretzat gordeak
bihotz hautsiaren sokoan,
irrien negarren sorteak
mila bat hordago jokoan.
Baditut zuretzako hemen
abenduko euri uharrak,
haize hegoak duen kemen
hura ebasteko bularrak.
Ez zaitez, ez zaitez,
ez zaitez joan oraindik ...
Ez zaitez, ez zaitez,
ez zaitez urrun nigandik ...
2
(A, B, C)
Baditut zuretzat lurrean
atzeman artoen bizarrak,
eta gauaren beldurrean
kliskan ari diren izarrak.
Baditut zuretzat emanak
solas zintzoetan urratsak,
ibai gardenetan edanak
maitasun utzi ur hatsak.
Ez zaitez, ez zaitez, ...
3 (A, B, C)
Baditut zuretzat bilduak
mendietan ardi hezurrak,
herri baldarrak isilduak
dituen egien gezurrak.
Ez duzu sufritu nahi hor
uztailak hitzeman kaldetan,
halatan zaude muturik gor
nere bi negaren maldetan.
Ez zaitez, ez zaitez, ...
4 (A, C)
Eta nik ez dakit nolatan
behar dudan zurekin joan,
dudarikan gabe holatan
betiko huts hori gogoan.
Ez zaitez, ez zaitez, ...