EITZARI
Eitza! bihotz handiko txoko maitagarri,
Zumarragaren haitza, lehenengo zutarri!
Eitza! zure altzora nor ez dator sarri,
zugandik joan orduko zutaz gara egarri.
Lainopean haizea zortziko deia joz,
kanpaiak San Gregorion dilindaka gogoz,
auzokoak batera zuregana gatoz,
bihotza altxatuta kantatzeko asmoz:
Eitza! bihotz handiko...
Ihi (e)ta zume dantza giza eskuetan
"JokuLeku"n pilotan arnasestuetan,
gizonemakumeon bihotz prestuetan,
bada gizatasunik kale estuetan.
Eitza! bihotz handiko...
Bide gurutzezara eta gain amestua,
betiko pasabide talai babestua,
kanpoko itxura zahar denborak beztua,
barrutik auzokoek gozo berriztua.
Eitza! bihotz handiko...
Beti zugan bedi aintza Eitza!